.jpg)
ಪ್ರೇಮಾಮೃತ -------------9
ಬೆಳಿಗ್ಗೆ ಆರು ಘಂಟೆಗೆ ಸರಿಯಾಗಿ ಬಸ್ಸುನಿಲ್ದಾಣಕ್ಕೆ ಹೋಗಿ ನಿಂತ ಲಕ್ಷ್ಮಿಗೆ , ಆರು ಘಂಟೆ ಹತ್ತು ನಿಮಿಷವಾದರೂ ಬಸ್ಸು ಬರದೇ ಇದ್ದಾಗ ಗಾಬರಿಗೊಂಡು, ಹಿಂದಿನ ದಿನ ಪ್ರೊಫೆಸರ್ ಕೊಟ್ಟಿದ್ದ ಮೊಬೈಲ್ ನಂಬರ್ ಗೆ ಫೋನ್ ಮಾಡುತ್ತಾಳೆ. ಬಚ್ಚಲು ಮನೆಯಲ್ಲಿ ಅರ್ಧ ಶೇವ್ ಮಾಡಿಕೊಳ್ಳುತ್ತಿದ್ದ ದೀಪಕ್ , ಲಕ್ಷ್ಮಿಯ ನಂಬರ್ ನೋಡಿದೊಡನೆ, ಯಾಕೋ ಮರೀ ಏನಾಯ್ತೋ ಎನ್ನುತ್ತಾನೆ. ಅದಕ್ಕೆ ಲಕ್ಷ್ಮಿಯು , ಪ್ರೊಫೆಸರ್ ಸರ್ ,ಇವತ್ತು ಇನ್ನೂ ಬಸ್ಸೇ ಬಂದಿಲ್ಲ ಎಂದಾಗ, ಹೋಗಲಿ ಬಿಡು ಮರಿ ಚಿಂತೆ ಮಾಡಬೇಡ ನಾನೇ ಬಂದು ಕರೆದುಕೊಂಡು ಹೋಗುತ್ತೀನಿ ಎನ್ನುತ್ತಾನೆ . ಧನ್ಯವಾದಗಳು ಸರ್ ಎಂದು ಫೋನ್ ಕಟ್ ಮಾಡಿದ ತಕ್ಷಣವೇ ಬಸ್ಸು ಬರುತ್ತಿರುವುದು ದೂರದಿಂದಲೇ ಕಾಣುತ್ತಿರುತ್ತದೆ. ಮತ್ತೆ ಸರ್ ಗೆ ಫೋನ್ ಮಾಡಿ , ಸಂತಸ ಮತ್ತು ಉದ್ವೇಗದಿಂದ ಮುದ್ದು ಮುದ್ದಾಗಿ , ಪ್ರೊಫೆಸರ್ ಸರ್, ಪ್ರೊಫೆಸ್ಸರ್ ಸರ್ , ಬಸ್ಸು ಬಂದಿತು ಎಂದು ಅನ್ನುತ್ತಾಳೆ . ಆಯ್ತು ಮರಿ ಬಸ್ಸಿನಲ್ಲಿ ಬಂದು, ಬೇಕರಿ ಬಸ್ ನಿಲ್ದಾಣದ ಹತ್ತಿರ ಇರು , ಅಲ್ಲಿಂದ ನಾನು ಕರೆದು ಕೊಂಡು ಹೋಗುತ್ತೀನಿ ಎಂದು ಹೇಳಿ ಫೋನ್ ಕಟ್ ಮಾಡುತ್ತಾನೆ ದೀಪು. ಅಲ್ಲಿಂದ ಹೋರಟ ಬಸ್ಸು ಎರಡು ಮೂರು ಸ್ಟಾಪ್ ಹೋಗುತ್ತಿದ್ದಂತೆ ಕೆಟ್ಟು ಹೋಗುತ್ತದೆ. ಮತ್ತೆ ಲಕ್ಷ್ಮಿಯು ಆತಂಕ ಮತ್ತು ಸಂಕೋಚದಿಂದ ಸರ್ ಗೆ ಫೋನ್ ಮಾಡಿ ಸರ್ , ಬಸ್ಸು ಕೆಟ್ಟು ಹೋಯಿತು , ಇಲ್ಲಿ ಆಟೋ ಕೂಡ ಇಲ್ಲ ಎಂದು ಪೆಚ್ಚಾಗಿ ನುಡಿದಾಗ , ಏನೋ ಪುಟ್ಟ ಇವತ್ತು ಬೆಳಿಗ್ಗೆ ಯಿಂದ ನಿನ್ನ ಗಲಾಟೆ ಎಂದು ಮುದ್ದಿನಿಂದ, ಸ್ನಾನ ಮಾಡಲೂ ಬಿಡಲ್ಲವಲ್ಲೋ ಮರಿ ಎಂದು , ಈಗ ಎಲ್ಲಿದ್ದಿ ಎಂದು ಕೇಳಿ , ಸರಿ ಅಲ್ಲೇ ಇರು , ಇನ್ನು ಅರ್ಧ ಘಂಟೆ ಯಲ್ಲಿ ನಾನೇ ಬಂದು ಕರೆದು ಕೊಂದು ಹೋಗುತ್ತೀನಿ ಅನ್ನುತ್ತಾನೆ. ಧನ್ಯವಾದಗಳು ಸರ್ ಎಂದು ಫೋನ್ ಕಟ್ ಮಾಡುತ್ತಾಳೆ ಲಕ್ಷ್ಮಿ.
ಮುಂದುವರಿಯುವುದು .......................
No comments:
Post a Comment